Skip to Content

الشروط والأحكام – Material Engleezy

أهلًا بيك في Material Engleezy ❤️

إحنا هدفنا نساعد المدرسين يقدموا شرح مميز وتفاعلي، من خلال ماتيريال تعليمية جاهزة توفر عليهم وقت التحضير وتخلي الحصة أكثر متعة وفايدة.

قبل ما تكمل طلبك، ياريت تاخد دقيقة تقرأ الشروط دي علشان كل حاجة تبقى واضحة من البداية.

📚 1. طبيعة الماتيريال

  • كل المنتجات اللي بنقدمها رقمية بالكامل، زي ملفات PowerPoint والفيديوهات والأبلكيشنز والماتيريال التعليمية المختلفة، حسب محتويات كل منتج.

  • مفيش شحن أو توصيل لمنتجات ملموسة، لأن الماتيريال بتوصلك إلكترونيًا.

  • كل منتج ليه وصف بيوضح محتوياته والمستويات اللي بيغطيها، فياريت تتأكد إنه مناسب لاحتياجاتك قبل الشراء.

  • بعض الماتيريال بتشتغل على Windows فقط، و احيانا بيدعم اجهزة الماك أو بتحتاج برامج معينة زي الاوفيس علشان الباوربوينت، وده بنوضحه في تفاصيل المنتج.

💰 2. الأسعار والعروض

  • بتدفع فقط تمن الماتيريال لكن اي دعم فني او اكاديمي او ازاي تستخدم الماتيريال كل ده مجانا مفيش اي مشكلة

💳 3. طرق الدفع

تقدر تدفع باستخدام وسائل الدفع المتاحة في صفحة إتمام الطلب، واللي ممكن تشمل:

  • التحويل البنكي المباشر.

  • InstaPay.

  • المحافظ الإلكترونية.

  • او تقدر تدفع من فوري برقم مرجعي بيظهرلك ع الويبسايت.

بعد ما تعمل التحويل:

  1. لازم تاخد سكرين شوت من الدفع اللي هاتعمله و احنا في خلال دقايق بعد ما بتأكد الطلب بنكلمك واتس اب

  2. هنراجع التحويل ونتأكد إن المبلغ وصل.

  3. بعد التأكد من الدفع، هنبدأ إجراءات تسليم الماتيريال.

مهم: الطلب بيفضل في انتظار الدفع لحد ما نتأكد إن الفلوس وصلت فعلًا. وإحنا مش بنفرض فوائد تأخير أو بنقدم تقسيط بفوائد من خلال الموقع.

📲 4. استلام الماتيريال

  • بعد تأكيد الدفع، بنبعتلك الماتيريال علي الدرايف علي جوجل الجيميل الخاص بك.

  • لو واتساب مش متاح، ممكن نتواصل معاك عن طريق الإيميل.

  • بنحرص إن التسليم يكون في أسرع وقت ممكن، وفقًا للمدة اللي بنوضحها وقت الشراء.

  • ياريت تتأكد إن رقم موبايلك وإيميلك مكتوبين صح علشان نقدر نوصلّك بسهولة.

  • لو واجهتك أي مشكلة في استلام الملفات أو تشغيلها، فريق خدمة العملاء موجود لمساعدتك.

🔄 5. الإلغاء والاسترجاع

علشان الماتيريال بتاعتنا رقمية، وطبيعتها بتسمح بنسخ الملفات بعد استلامها، فموضوع الإلغاء والاسترجاع بيختلف عن المنتجات العادية.

  • لو حابب تلغي طلبك قبل استلام الماتيريال، تقدر تتواصل معانا علشان نراجع طلبك عادي مفيش مشكاكل.

  • بعد استلام الملفات أو إتاحة الوصول ليها، طلبات الاسترجاع لو وصلك الماتيريال عكس ما احنا عرضنا او مختلفة او حاجة بايظة و حاولنا نصلحهالك معرفناش تمام بيتم الاسترجاع.

  • لو استلمت منتج مختلف عن اللي طلبته، أو فيه ملفات ناقصة أو مشكلة جوهرية بتمنع استخدامه بالشكل المعلن زي ما شوفته في فيديو التصفح، تواصل معانا وهنراجع المشكلة ونوفر الحل المناسب، سواء إصلاح المشكلة أو استبدال المنتج أو رد المبلغ.

  • لو حولت مبلغ زيادة أو حصل تحويل مكرر بالغلط، هنراجع التحويل ونرجعلك المبلغ الزائد بعد التأكد منه.

هدفنا إنك تستلم الماتيريال اللي طلبتها بالمواصفات اللي اتفقت معانا عليها.

🔐 6. حقوق استخدام الماتيريال

إحنا بنبذل مجهود كبير في تجهيز الماتيريال وتطويرها، فبنطلب منك تحافظ على حقوق الشغل ده.

  • تقدر تستخدم الماتيريال اللي اشتريتها في تحضير حصصك والشرح لطلابك.

  • الشراء بيديك حق استخدام شخصي للتدريس، مش حق إعادة بيع الملفات أو توزيعها.

  • مينفعش تبعت الملفات لمدرسين تانيين أو تنشرها على جروبات أو مواقع أو قنوات تيليجرام من غير موافقة مننا.

  • مينفعش تعيد بيع الماتيريال أو ترفعها للتحميل العام أو تعرضها على إنها شغلك الخاص.

  • بالنسبة للماتيريال التفاعلية (مش الباوربوينت بتاع الوزارة اللي عملناه) احنا بناخد منك مجرد سعر رمزي نظير تجميعهم و ترتيبهم لكن هم مش ملكنا مش بنبيعهم بسعرهم الاصلي